Əfsanəvi müğənni, mərhum xalq artisti Oqtay Ağayevin bacısı Ofeliya Ağayeva "Ölkə.Az"-da dərc edilən "Xalq artistinin bacısı qocalar evində yaşayırmış" başlıqlı yazıya reaksiya verib. Bu gün redaksiyamıza gələn O.AĞaeva bildirib ki, sözügedən materialda Oqtay Ağayevin bacısı olduğunu deyən şəxs-Zemfira Səfərovayla onları heç nə bağlamır:

"Mən Oqtay Ağayevin bacısıyam. Atam Ağayev Cəfər Bəhram oğlu, anam Ağayeva (Həsənova) Həlimə Ələkbər qızıdır. Bu gün şəxsən mən və Oqtay Ağayevin yeganə nəvəsi olan Afaq Ağayeva ilə Bilgəh qəsəbəsində yerləən Pensiya yaşına çatmış şəxslər üçün sosial xidmət müəssisəsinə getdik, Zemfira xanımla tanış olduq. Ondan doğum tarixini soruşanda məlum oldu ki, 1949-cu ildə anadan olub. Bildirmək istəyirəm ki, biz 1941-51-ci illərdə atamın işi ilə əlaqədar Şamaxıda yaşamışıq. Bu sualları ona verəndə müəssisənin rəhbəri də yanımızda idi. O qadın məndən üzr istədi. Həm də nə rəsmi olaraq bizim bacımız deyil, nə də zahiri oxşarlığımız yoxdur. Yəni, həmin şəxsin bizə aidiyyatı yoxdur"..

"Qeyd edək ki, Bilgəh qəsəbəsində Pensiya yaşına çatmış şəxslər üçün sosial xidmət müəssisəsində yaşayZ.Səfərova adlı qadın əməkdaşımızla söhbətində O.Ağayevin bacısı olduğunu demişdi:

"Mən Oqtay Ağayevin bacısıyam, özüm də gənclik illərimdə ansambllarda çalışmışam. Amma heç vaxtqardaşımla ünsiyyətimiz, get-gəlimiz olmayıb. Heç o nəsildən kimisə tanımaq da istəmirəm. Çünki mənə qarşı münasibətləri yaxşı olmayıb. Soyadım da atalığım Səfər Məhərrəmovundur, heç öz atam Qəzənfər haqda eşitmək də istəmirəm. Hazırda 69 yaşım var. Burada mənə olan münasibətdən çox razıyam".

Qeyd edək ki, O.Ağayev 2006-cı ildə vəfat edib.