Xətai Rayon Məhkəməsində "Meydan TV"-nin həbs edilən jurnalisti Ramin Dekonun ev dustaqlığına buraxılması ilə bağlı vəsatət təmin olunmayıb. Bu barədə onun vəkili Nemət Kərimli anews.az-a bildirib.
Vəkil bildirib ki, Ramin Deko baş verənləri jurnalistika fəaliyyəti ilə əlaqələndirir.
"Məhkəmənin qərarı ilə razılaşmayaraq, apellyasiya şikayəti veriləcək. Ramin həbsinin jurnalistika fəaliyyəti ilə bağlı olduğunu bildirir. Ramin Dekonun səhhəti normal idi",- vəkil vurğulayıb.
Bundan əvvəl Meydan TV-nin həbs edilən jurnalistləri Aynur Elgünəş, Aytac Tapdıq, Xəyalə Ağayeva , Aysel Umudova, Natiq Cavadlının ev dustaqlığına buraxılması ilə bağlı vəsatətləri təmin edilməyib.
Onların hər birinə Cinayət Məcəlləsinin 206.3.2-ci (qaçaqmalçılıq - qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.
"Meydan TV” 2013-cü ildə yaradılıb.
2017-ci ildə ölkə ərazisində "Meydan TV”nin saytına blok qoyulub.
Aytac
www.anews.az
Bizi sosial şəbəkələrdə izləyin !
