Yaponiya Baş naziri parlamenti buraxır, növbədənkənar seçkilər elan edilir

Yaponiyanın Baş naziri Sanae Takaiçi seçicilərin dəstəyini yenidən yoxlamaq məqsədilə cümə günü parlamentin aşağı palatası olan Nümayəndələr Palatasını buraxacağını və ölkədə ümumxalq seçkiləri təyin edəcəyini açıqlayıb.

Takaiçi bildirib ki, hazırda rəhbərlik etdiyi Liberal Demokrat Partiyası (LDP) nə parlamentin aşağı, nə də yuxarı palatasında çoxluğa malikdir. “Seçicilərin iradəsini öyrənmək üçün bu addımı atmağa qərar verdim”, – deyə baş nazir vurğulayıb.

Qeyd edək ki, növbədənkənar seçkilər Yaponiyada siyasi balansın dəyişməsi və hökumətin legitimliyinin möhkəmləndirilməsi baxımından mühüm əhəmiyyət daşıyır.

Aytac