Rövnəq Abdullayev “Günəşli” yatağında

Dünən "Günəşli” yatağının 10-cu dərin dəniz özülündə baş verən yanğınla əlaqədar SOCAR prezidenti Rövnəq Abdullayev bu gün səhər saatlarında hadisə yerində olub.

 

Oxu.Az xəbər verir ki, bu barədə SOCAR-ın Facebook səhifəsində məlumat verilib. "SOCAR prezidenti səhər saatlarında platformadakı yanğın yerində olub”, - deyə şirkətin Facebook səhifəsi yazıb. Qeyd edək ki, dünən baş verən güclü tufan saat 17:40 radələrində "Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın baş verib. İlk növbədə özüldəki işçilərin təxliyə olunması istiqamətində tədbirlərə başlanılıb və 42 nəfər işçi yanğın baş verən ərazidən təxliyə olunublar.

 

Yanğın davam edir.