Prezident 2026-cı ilin dövlət büdcəcini təsdiqləyib - Sərəncam

Prezident İlham Əliyev Milli Məclisin dekabrın 9-da qəbul etdiyi “2026-cı il dövlət büdcəsi haqqında” qanunu təsdiqləyib.

Qanuna əsasən, 2026-cı il üçün dövlət büdcəsinin gəlirləri 38,61 milyard manat, xərcləri isə 41,70 milyard manat proqnozlaşdırılır. Bu, 2025-ci ilin təsdiqlənmiş proqnozuna nisbətən hər iki göstəricidə 0,7% artım deməkdir.

Nəticədə büdcədə 3,09 milyard manat kəsir yaranacağı gözlənilir ki, bu da illik müqayisədə 1,4% çoxdur.

2026-cı ildə icmal büdcənin gəlirlərinin 44,97 milyard manat, xərclərinin 48,84 milyard manat olması planlaşdırılır. Bu, 2025-ci ilin proqnozuna nisbətən müvafiq olaraq 2,3% və 2,5% çoxdur. İcmal büdcədə kəsirin həcmi isə 3,87 milyard manat təşkil edəcək, illik artım 5,2%-dir.

Büdcədə neftin bir barelinin qiyməti 65 ABŞ dolları götürülüb.