Komitə sədrlərinə və deputatlara yeni hüquq verilir
08.12.2015 16:15
Milli Məclisin (MM) komitə sədrlərinə parlamentin plenar iclaslarında növbədənkənar çıxış etmək hüququnun verilməsi təklif edilir.
"Report"un xəbərinə görə, bu məsələ MM-in Hüquq siyasəti və dövlət quruculuğu komitəsinin bu gün keçirilən iclasında müzakirəyə çıxarılan Milli Məclisin Daxili Nizamnaməsinə təklif edilən dəyişikliklər layihəsində əksini tapıb.
Hazırkı nizamnaməyə əsasən, Milli Məclisin iclasında növbədənkənar çıxış etmək hüququna Azərbaycan Prezidenti, Milli Məclisin sədri və sədr müavinləri malikdir.
İclasda həmçinin deputatlara eyni anda iki komitənin üzvü olmaq hüququnun verilməsi də təklif edilib.
Dəyişiklik layihəsi müzakirələrdən sonra Milli Məclisin plenar iclasına tövsiyə olunub.
www.ann.az
Oxşar xəbərlər
Oxşar xəbərlər
Foto 
Video 
