Lukaşenkoya qarşı sanksiyalar ləğv edildi

Avropa İttifaqı bazar ertəsi Belarus prezidenti A.Lukaşenko və ölkənin digər rəsmi şəxslərinə qarşı tətbiq etdiyi sanksiyaların dayandırılmasına dair qərar qəbul edib.

Oxu.Az xəbər verir ki, bu barədə RİA Novosti-yə Brüsseldəki diplomatik mənbə bildirib.

"Bildiyim qədər qərar var”, - agetliyin həmsöhbəti Aİ XİN rəhbərləri tərəfindən Belarusiyanın rəsmi hakimiyyətinə qarşı tətbiq edilmiş sanskiyaların ləğv edilməsinə dair qərarla əaqədar suala cavab verərkən bildirib.

Aİ Şurasında RİA Novosti bu məlumata dair hələlik təsdiq almayıb.

2012-ci ildə Aİ, Belarusda insan haqlarının pozulmasını bəyan edərək hələ 2010-cu ilin dekabrında tətbiq edilən sanksiyaları genişləndirib. Əsasən belarusiyalı məmurların Avropa İttifaqı ölkələrinə səfərləri qadağan edilib, münasibətlərin yaxşılaşması üçün şərt olaraq bütün siyasi məhbusların azad edilməsi şərtini qoyub.

Minsk ölkədə siyasi məhbusun olmadığını iddia edirdi.
www.ann.az