Azərbaycan benzinini almaq Ermənistan vətəndaşları üçün çox sərfəlidir - Mirzoyan

Azərbaycan benzinini almaq Ermənistan vətəndaşları üçün çox sərfəlidir və bəzi yerlərdə növbələrin olduğu bildirilir.Bu barədə Ermənistanın xarici işlər naziri Ararat Mirzoyan İctimai Televiziyada məlumat verib.

Mirzoyan sülh yaradılıb və əməkdaşlıq səyləri var, amma bu, prosesin tam başa çatdığı anlamına gəlmir, – deyə çıxışında vurğulayıb.

O əlavə edib ki, Ermənistan Azərbaycanla birbaşa ticarət əlaqələrinin qurulması ilə bağlı müzakirələr aparır və sülhün institutlaşdırılması istiqamətində irəliləyiş psixoloji çətinliklərin aradan qaldırılmasına kömək edə bilər.

Azərbaycan 22 vaqonda yüklənmiş 1 220 ton Aİ-95 benzini Gürcüstan-Ermənistan dəmir yolu vasitəsilə Ermənistana çatdırıb. Bu razılaşma noyabrın 28-də Qəbələdə Azərbaycan və Ermənistan baş nazirlərinin müavinləri arasında keçirilən görüşdə əldə edilib.