Səfir: “İran prezidenti bu il Azərbaycana səfər edə bilər”

"İki ölkə arasında yaxın dostluq əlaqələrini nəzərə alaraq düşünürəm ki, İran prezidenti bu il ərzində Azərbaycana səfər edə bilər".

 

APA-nın xəbərinə görə, bunu İranın Azərbaycandakı səfiri Möhsün Pak Ayin bu gün keçirdiyi mətbuat konfransında bildirib.

 

Səfir həmçinin qeyd edib ki, Sumqayıtda dərman zavodunun tikintisi ilə bağlı gələn həftə İran nümayəndə heyətinin Azərbaycana səfəri gözlənilir. Onun sözlərinə görə, zavod Sumqayıtdakı Kimya parkında tikiləcək: "Birinci mərhələdə burada ehtiyac duyulan dərmanlar İrandan Azərbaycana gətiriləcək. İkinci mərhələdə dərman istehsalının texnologiyası Azərbaycana gətiriləcək. Üçüncü mərhələdə isə həmin dərmanlar yüz faiz Azərbaycanda istehsal olunacaq. Birinci və ikinci mərhələ arasında 4 5 il vaxt çəkə bilər".