Hillari Klinton prezidentliyə rəsmi namizəd olmaq üçün yetərli səs topladı

Hillari Klinton Demokrat partiyasından prezidentliyə namizəd olmaq üçün yetərli səs toplayıb.

Trend-in TASS agentliyinə istinadən verdiyi məlumata görə, sabiq dövlət katibi 2383 partiya nümayəndəsinin səsini qazana bilib.

Demokrat partiyasından olan digər namizəd Berni Sandersi 1567 nümayəndə dəstəkləyib.

Beləliklə, iyulun 26-28-də Filadelfiyada keçiriləcək qurultayda Hillari Klintonun namizədliyi Demokrat partiyası tərəfindən rəsmən irəli sürüləcək.