Bakıda qadın ev şəraitində doğuş edib

Xəzər rayonunda təcili tibbi yardım briqadası çağırış zamanı doğuş prosesini evdə həyata keçirmək məcburiyyətində qalıb, TƏBİB məlumat verib.

Məlumata görə, 38 həftəlik hamilə olan 27 yaşlı qadının doğuşun ilkin mərhələsi birbaşa evdə baş verib. Daha sonra proses təcili tibbi yardım avtomobilində nəzarətdə saxlanılıb.

Ana və körpəyə ilkin tibbi yardım göstərildikdən sonra onlar Xəzər Tibb Mərkəzinə təxliyə olunublar.

Körpə oğlandır, çəkisi 3 kiloqram 150 qram, boyu isə 50 santimetrdir. Hazırda ana və uşağın vəziyyəti qənaətbəxşdir.

N.Təbrizli