Bakıda Formula 1 gecə keçirilə bilər

Qol.az-ın xəbərinə görə, bu haqda şirkətin icrası icraçı direktoru Arif Rəhimov TASS agentliyinə açıqlamasında bildirib.

O deyib ki, hazırda 2 min 500 bilet satılıb: "Biz gözləyirik ki, sonrakı günlərdə daha 1000 bilet satılsın”.

İcraçı direktorun sözlərinə görə, gələn həftənin sonuna kimi bütün biletlər satılacağı gözlənilir: "Demək olar ki, artıq bütün biletlər satılıb. Hər gün biletlərin satışı daha da artır. Bizim hesablamalarımıza görə həftənin sonuna qədər bilet qalmayacaq. Tribunada biletin ən ucuz qiyməti 200 dollar, yarışı ayaq üstdə izləmək üçün biletin qiyməti isə 90 dollardır ".

Arif Rəhimov qeyd edib ki, gələcəkdə Bakıda Formula 1 yarışnın geçə keçirikəcəyi istisna olunmur.

Qeyd edək ki, hazırda Formula 1-in Sinqapur və Bəhreyndə keçirilən yarışında gecə proqramı nəzərdə tutulub. 

"Yarışların gecə keçirilməsi azarkeşlər və dostlarımızla müzakirə olunub. Amma gecə vaxtı yarış əlavə xərc tələb edir. Biz hər dəfə gərək trası yenidən bərpa edək. Bu isə ilk il üçün çox çətindir. Baxarıq əgər bu dəfə alınsa ola bilsin gecə yarışını da keçirdik. Şəhərdə işıqlandırma sistemi əladır. Yarışı gecə keçirmək alınsa, çox gözəl olar” – deyə A.Rəhimov bildirib.