Türkiyə narkotik qaçaqmalçılığında ittiham olunan şəxsi Azərbaycana təhvil verəcək

Narkotik qaçaqmalçılığı və satışında ittiham olunan Səbutər Babayevin ekstradisiyası ilə bağlı vəsatət Türkiyə tərəfindən təmin edilib. Bu barədə Baş Prokurorluq məlumat yayıb. 

İstintaq materiallarına əsasən, Babayev mütəşəkkil dəstə tərkibində külli miqdarda narkotik vasitələrin qaçaqmalçılığı və satışında iştirakda şübhəli bilinir.

Barəsində beynəlxalq axtarış elan edilən Babayev Türkiyə ərazisində saxlanılıb və onun Azərbaycana gətirilməsi üçün prosedurlar davam etdirilir.