Payet: "Ronaldonu qəsdən zədələmədim"
29.05.2020 05:23
Fransa millisinin futbolçusu Dimitri Payet "Avro-2016"nın finalında Portuqaliya yığmasının hücumçusu Kriştiano Ronaldonun zədələndiyi epizod haqda danışıb.
Qol.az-ın xarici KİV-lərə istinadən verdiyi məlumata görə, Payet Ronaldonu qəsdən zədələmədiyini bildirib:
"Bu, ümumi mübarizə epizodu idi. Başqa heç nə. Əgər həmin anda Ronaldonu zədələdimsə, bunu qəsdən etmədim. Xaraktercə belə insan deyiləm. Buna şübhə yoxdur. Oyuna gəlincə hamımız məyusuq. Topa daha çox nəzarət etdik, qol imkanlarımız oldu, ancaq hesabı aça bilmədik. Əvəzində rəqib öz şansından maksimum yararlandı. Qol hər şeyi həll etdi. Portuqaliyalılar daha effektiv idilər".
Qeyd edək ki, Ronaldo Payetlə mübarizə zamanı dizindən zədə alaraq 25-ci dəqiqədə əvəzlənmək məcburiyyətində qalıb. Bununla belə, rəqibinə 1:0 hesabı ilə qalib gələn Portuqaliya tarixində ilk dəfə Avropa çempionu adını qazanıb.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
