Millimizin üzvü "Sportinq"də!

Daha bir azərbaycanlı futbolçu karyerasını Portuqaliyada davam etdirəcək. 

Qol.az-ın məlumatına görə, gənclərdən ibarət milli komandamızın üzvü Budaq Nəsirov məşhur "Sportinq" klubuna transfer olunub. 21 yaşlı yarımmüdafiəçi Lissabon təmsilçisi ilə 5 illik müqavilə imzalayıb. Nəsirov yeni komandasında 86 nömrəli formada çıxış edəcək. 

Futbolçunun "Sportinq"ə keçidinə vasitəçi olan  FİFA meneceri Vaqif Heydərli Qol.az-a açıqlamasında xəbəri təsdiqləyib.

Portuqaliyanın ən titullu klublarından olan "Sportinq” son mövsümün gümüş mükafatçısıdır. Paytaxt klubu bu mövsüm Çempionlar Liqasında mübarizə aparacaq.

Qeyd edək ki, Nəsirov müqavilə ilə "Sumqayıt"a məxsus olsa da, son 

mövsümü "Kəpəz"də keçirib. 

Xatırladaq ki, yay fasiləsində azərbaycanlı futbolçular Elnur Cəfərov Portuqaliyanın "Tondela", Emin Mahmudov isə "Boaşvişta"ya keçib.