“Bu heç-heçə bizim üçün tarixi nəticədi” – Qriqorçuk

Qol.az-ın Fransaya ezam olunmuş əməkdaşının verdiyi məlumata görə, bu sözləri "Qəbələ"nin baş məşqçisi Roman Qriqorçuk Avropa Liqasının III təsnifat mərhələsində "Lill”lə oyundan (1:1) sonra keçirdiyi mətbuat konfransında deyib.

 

Ukraynalı mütəxəssis qarşılaşma haqda bunları bildirib:"Biz özümüzə inanırıq. Bizdən asılı olan hər şeyi edəcəyik. Başa düşürük ki, bir həftəyə oyun planında artıra bilərik. "Borussiya” və "Krasnodar”a uduzduğumuz vaxtla müqayisədə daha çox təcrübəmiz var. Amma "Lill” yüksək səviyyəli futbolçulardan təşkil olunub. Onların da yüksək sürəti var. Belə tempə qarşı ya eyni futbol oynamalısan, ya da taktika işlətməlisən. Çünki rəqib çox güclü "silah”a malikdi”.