Neft ölkəsi müflis oldu

O hələ iyun ayının sonunda kreditorlarına borclarını ödəməli idi.

"Standard &Poor's” Beynəlxalq reytinq agentliyi Konqo Respublikasının 478 milyon dollar borcunun ödənməməsi ilə əlaqədar müflis olmasını elan edib.

Oxu.Az "Financial Times”a istinadən xəbər verir. 

Məlumata görə, Afrika respublikası hələ iyun ayının sonunda kreditorlarına borclarını ödəməli idi. Amma indiyə qədər ölkənin hökuməti borcları ödəməyib.

Reytinq agentliyində borcun qaytarılmadığı halda, Konqonun reytinqinə yenidən baxılacağı bildirilib. 

Beynəlxalq Valyuta Fondunun məlumatına görə, 2015-ci ilin sentyabr ayında Afrika respublikasının büdcəsinin 70%-i neft məhsullarının ixracından əldə edilən gəlirdən ibarət idi. Neftin qiymətinin ucuzlaşması ölkənin iqtisadiyyatına güclü zərbə vurub.