Azərbaycan Ukraynaya növbəti humanitar yardım göndərib

Azərbaycan tərəfindən Ukraynaya  ümumilikdə 90 min metrə yaxın elektrik kabelləri və naqillər, həmçinin 25 ədəd generator və 7 dəst transformator humanitar yardım göndərilib.  Bu barədə Energetika Nazirliyi məlumat yayıb.

Yardım bu gün Sumqayıt Texnologiyalar Parkının ərazisindən yola salınıb.

Ümumi dəyəri 2 milyon dollar olan sözügedən yardımın növbəti hissəsinin də yaxın günlərdə yola salınması planlaşdırılır.

Azərbaycanın  Ukraynaya göstərdiyi ümumi humanitar yardımların ümumi dəyəri artıq 44 milyon dolları keçib.

Humanitar yardım Prezidenti İlham Əliyevin 2025-ci il 11 avqust tarixli Sərəncamına əsasən, Energetika Nazirliyi tərəfindən təmin edilir:

Aytac