Avropanın ən yaxşı futbolçusu kim olacaq? – üç namizəd

UEFA 2015/16 mövsümü üçün Avropanın ən yaxşı futbolçusu adına layiq olan üç namizədin adını açıqlayıb.

Qol.az-ın qurumun saytına istinadən yaydığı xəbərə görə, qitənin ali futbol qurumunun üzvü olan 55 ölkənin jurnalistləri arasında keçirilən sorğunun nəticəsinə əsasən, ən yaxşı üçlüyə Qaret Beyl ("Real”/Uels), Antuan Qrizmann ("Atletiko”/Fransa) və Kriştiano Ronaldo ("Real”/Portuqaliya) daxil olub.

İlk üçlüyə "Barselona"lı Lionel Messi və komanda yoldaşı Luis Suares düşməyib. Messi 24 xalla yalnız dördüncü, Suares isə 29 xalla beşinci ola bilib.

Qalibin adı avqustun 25-də Monakoda keçiriləcək mərasimdə açıqlanacaq.

Qeyd edək ki, bunadək həmin mükafatı Lionel Messi (2011, 2015), Andres İnyesta (2012), Frank Riberi (2013) və Kriştiano Ronaldo (2014) qazanıb.