Azərbaycanın Olimpiada qaliblərinə ödəniləcək məbləğ açıqlandı
22.08.2016 17:25
Mükafat alanların arasında 18 idmançımız və onların məşqçiləri yer alıb.
XXXI Yay Olimpiya Oyunları Azərbaycan olimpiya yığması üçün uğurlu olub.
Oxu.Az xəbər verir ki, "Rio-2016”-da Azərbaycan komandası 18 (1 qızıl, 7 gümüş və 10 bürünc) medal qazanıb.
Medal sıralamasında Azərbaycan 39-cu olub.
Prezident İlham Əliyevin iyulun 18-də imzaladığı sərəncama əsasən,
birinci yeri tutan hər bir idmançıya 400 min manat, onun məşqçisinə 200 min manat;
ikinci yeri tutan hər bir idmançıya 200 min manat, onun məşqçisinə 100 min manat;
üçüncü yeri tutan hər bir idmançıya 100 min manat, onun məşqçisinə 50 min manat.
Sərəncama əsasən, olimpiada da uğur əldə edən idmançılara ümumilikdə 2 milyon 800 min manat, onların məşqçilərinə isə 1 milyon 400 min manat mükafat veriləcək. İdmançılara və məşqçilərinə verilən ümumi məbləğ isə 4 milyon 200 min manatdır.
www.ann.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
