Mərkəzi Elmi Kitabxananın kitab fondu zənginləşdirilir

Qeyd edək ki, 2010-cu ildə Azərbaycan Respublikasının Prezidenti yanında Strateji araşdırmalar Mərkəzi tərəfindən təsis edilmiş "Strateji təhlil” jurnalının il ərzində 4 sayı çap edilir. Məqalələr aktual mövzulara həsr olunmaqla yanaşı analitik xarakter daşıyır. "Strateji təhlil” jurnalında əsasən Azərbaycanın daxili və xarici siyasəti, iqtisadiyyat, hüquq, fəlsəfə, sosiologiya, psixologiya və digər ictimai və humanitar elm sahələri elmi-metodoloji cəhətdən təhlil edilir və müəlliflərin yeni ideya və yanaşmaları əks olunur.

AMEA Mərkəzi Elmi Kitabxanasının İctimaiyyətlə əlaqələr bölməsindən ANN.Az-a verilən məlumata görə, tibb üzrə fəlsəfə doktoru, Azərbaycan Jurnalistlər Birliyinin üzvü Nağdəli Zamanov müəllifi olduğu iki cildlik "Heydər Əliyev və Azərbaycan nitq mədəniyyəti” adlı monoqrafiyalarını MEK-ə hədiyyə edib.

Monoqrafiyanın birinci cildində Azərbaycan nitq mədəniyyətinin inkişafında, təşəkkül tapmasında Ulu Öndər Heydər Əliyevin nitq və çıxışları kompleks şəkildə araşdırılıb, bir sıra nitq elementləri qətiyyət, səmimiyyət, nikbinlik, proqnozlar müəllif tərəfindən öyrənilib. İlk dəfə olaraq, Heydər Əliyevin nitqində məntiqi ardıcıllıq, fəlsəfi nitqlər, poetik duyğular monoqrafiyada geniş əksini tapıb.

İkinci cilddə isə Heydər Əliyev nitqində müasir inteqrasiya dövründə dildə baş verən dəyişikliklərlə bağlı yaranan neologizmlər, nitq hissələri, frazeoloji birləşmələr  işıqlandırılıb.

AMEA-nın müxbir üzvü, filologiya elmləri doktoru, professor Nizami Cəfərovun ön söz yazdığı kitabda təqdim olunan monoqrafiyalar siyasət, dilçilik, diplomatiya, jurnalistika, ədəbiyyat və digər sahələrdə fəaliyyət göstərən və təhsil alanlar üçün dəyərli vəsaitdir.

Qeyd edək ki, kitablar MEK-in sərgi salonunda da nümayış olunur.

Dietoloq, professor Maqsud Qasımov həmmüəllifi olduğu sağlam qidalanmaya dair kitabları MEK-ə hədiyyə edib.

"Sağlam həyat tərzi uğrunda” kitabında əhalinin sağlamlığının saxlanması və möhkəmləndirilməsinə aid elmi-metodik, praktiki xarakter daşıyan materiallar, o cümlədən sağlam həyat tərzi normalarına dair faydalı fikirlər öz əksini tapıb.

"Artıq bədən çəkisi və piylənmə ilə yanaşı gedən xəstəlilklərdə pəhriz” kitabı həkim dietoloqlar, qidalanma ilə əlaqədar pozulmaların müalicəsi və xəstəliklərin profilaktikası ilə məşğul olan həkimlər, endokrinoloqlar, kardioloqlar, o cümlədən tibb ixtisası üzrə təhsil alan tələbələr üçün mühüm dərs vəsaitidir. Bu kitabda 1-ci və 2-ci tip şəkərli diabetdə pəhriz, şəkərli diabetin bəzi ağırlaşmaları barədə qiymətli məsləhətlər verilir.

"Əmək və əhalinin sosial təminat sistemində az təminatlı, ahıl və qoca yaşlı adamların, əlillərin səmərəli və pəhriz qidalanmasının təşkili” kitabı metodik tövsiyədir. Belə ki, burada ahıl və qoca yaşlı insanların müalicəvi qidalanmasının təşkilinə dair irəli sürülən tələblərdən, onun xüsusiyyətlərindən, sosial təminat sistemində az təminatlı, yoxsul insanlara kömək məqsədilə əhalinin səmərəli və dietik qidalanmasından bəhs edilir.

"Sağlam qidalanmanın elmi əsasları” kitabı müxtəlif qidalanma problemlərinə həsr olunmuş və düzgün qidalanmanın köməyilə öz sağlamlığının yaxşılaşdırılması ilə əlaqədar məsələlərlə maraqlanan insanlar üçündür.

Qeyd olunan kitablardan tələbələr, müəllimlər, geniş kütlə və həkimlər istifadə edə bilərlər.