Rusiyanın bu günlərdə AZAL-la bağlı təqdim etdiyi məktub ciddi təəccüb doğurdu - Nazir

Bu günlərdə Rusiya tərəfindən AZAL təyyarəsi ilə bağlı təqdim edilən məktubda ciddi təəəccüb doğuracaq məqamlar əksini tapıb. Bunu  xarici işlər naziri Ceyhun Bayramov ilin yekunlarına dair mətbuat konfransında bildirib.

Nazir vurğulayıb ki, Düşənbədə iki ölkə prezidentinin görüşü zamanı Rusiya lideri Vladimir Putin əldə etdiyi məlumatlara əsaslanaraq təyyarənin Rusiya hava məkanında raket partlayışı nəticəsində zədələndiyini dilə gətirib.  Putin həmçinin kompensasiya məsələsini dilə gətirib.

Bayramov əlavə edib ki, Rusiya istintaqının məktubu Azərbaycana təqdim olunub və ciddi təəccüb doğuracaq məqamlar əksini tapıb.

"Bu yaxın günlərdə Rusiya istintaqı məktubu Azərbaycana təqdim edib. Məktubda Azərbaycanın ciddi təəccüb doğuran məqamları yer alıb. Həmin məqamlarda cinayət işinə xitam verilməsi qeyd olunub ki, bu da ciddi təəccüb doğurur. Məktuba cavab olaraq müvafiq qurumlarımız tərəfimizdən Rusiya tərəfinə məlumat verilib. Ən azı qeyd etdiyimiz kimi, gözləntimiz iki prezidentin danışığına uyğun olaraq hüquqi qiymətin verilməsi və kompensasiyanın ödənilməsidir", - nazir deyib. 

Gülnar Nazimqızı