Arda Turan bu kluba transfer olacaq

Trend Sputnik-a istinadən xəbər verir ki, Liverpulun baş məşqçisi Yurgen Klop klub rəhbərliyinə Arda Turanı komandasında görmək istədiyini deyib. Hətta iddia olunur ki, Klop transferin tez bir zamanda baş tutması üçün israr edir.

Qeyd edək ki, Arda Turan 2010-cu ildə hələ Qalatasarayın futbolçusu olarkən UEFA-nın rəsmi saytına müsahibəsi zamanı ən böyük xəyalının Premyer liqada oynamaq olduğunu söyləmişdi: "Premyer Liqada oynamaq mənim ən böyük xəyalımdır. Avropada Liverpulu dəstəkləyirəm. Bu klub məni həmişə özünə cəlb edib. Bir gün Liverpulda oynamaq istəyərdim".