Fabreqas təxribata görə cəzalandırıla bilər

ANN.Az goal.az-a istinadən xəbər verir ki, ispaniyalı havbek "Mançester Siti" ilə oyunda həmkarı Fernandinyonu təxribata çəkməkdə ittiham olunur. Belə ki, Fernandinyo ona yüngü sillə vuran Fabreqasın boğazından tutub reklam şitinə tərəf itələmişdi.

Görüşün baş hakimi Entoni Teylor bu epizodu oyunun raportunda qeyd etməyibsə, FA cəzanı özü təyin edəcək. "Zadəganlar"ın futbolçusu 2 oyunluq cəza ala bilər. O və daha 30 nəfər haqqında qərar dekabrın 5-də çıxarılacaq.