Çempionlar Liqasının 1/8 final mərhələsində kimlər qarşılaşacaq?
12.12.2016 11:12
Bu gün İsveçrənin Nyon şəhərində planetin ən nüfuzlu klub turniri olan Çempionlar Liqasının 1/8 final mərhələsinin püşkatma mərasimi keçiriləcək.
ANN.Az Sport7.az-a istinadən xəbər verir ki, püşk son 16 klubu bir-birinə rəqib edəcək.
1/8 final iştirakçıları qrup mərhələsinin nəticələrinə görə, iki səbətə bölünüblər. Səkkiz qrupun qalibi ("səpələnmiş komandalar") ikinci yeri tutan komandalarla qarşılaşacaq. Lakin eyni qrupda yer alan və ya eyni ölkəni təmsil edən komandalar bir-biri ilə düşə bilməyəcək.
Səkkiz "səpələnmiş" komanda siyahısına İngiltərənin "Arsenal" və "Lester", İtaliyanın "Napoli" və "Yuventus", İspaniyanın "Barselona" və "Atletiko", Fransanı təmsil edən "Monako", Almaniyanın "Borussiya Dortmund" klubu daxildir. Onlar PSJ (Fransa), "Benfika" və "Portu" (Hər ikisi Portuqaliya), "Mançester Siti" (İngiltərə), "Bavariya" və "Bayer" (Hər ikisi Almaniya), həmçinin "Real" və "Sevilya" (Hər ikisi İspaniya) ilə qarşılaşa bilərlər.
UEFA-nın mənzil qərargahında keçiriləcək püşkatma mərasimi Bakı vaxtı ilə 15:00-da başlayacaq.
Bu mərhəin ilk oyunları 2017-ci ilin 14-15 və 21-22 fevral tarixlərində öz qrupunda ikinci yeri tutmuş komandaların meydanlarında keçiriləcək. Cavab oyunları 7-8 və 14-15 mart tarixlərinə təyin olunub.
www.ann.az
Oxşar xəbərlər
Oxşar xəbərlər
Foto 
Video 
