Sayed Ağa: Dünyadakı iqtisadi durum İİB-in Azərbaycandakı əməliyyatlarına təsir etməyib
26.01.2017 10:12
Dünyada mövcud olan mürəkkəb iqtisadi durum İslam İnkişaf Bankının (İİB) Azərbaycandakı əməliyyatlarına təsir etməyib.
ANN.Az xəbər verir ki, bunu Trend-ə eksklüziv müsahibəsində İİB-in vitse-prezidenti Sayed Ağa deyib.
Vitse-prezident deyib:
"Sirr deyil ki, dünya maliyyə və iqtisadi çətinliklərdən əziyyət çəkir. Bu yalnız neft və digər xammalın qiyməti ilə bağlı deyil, digər faktorlar - ölkələr arasındakı münasibətlərdən də asılıdır. Bütün bunlar İİB üzv-ölkələrin iqtisadiyyatına da təsir edir. Eləcə də Azərbaycana".
Onun sözlərinə görə, neqativ faktorlar İİB-in fəaliyyətinə təsir göstərə bilməyib:
"Bizim öz kapitalımız və üzv dövlətlərin güclü dəstəyi var".
Azərbaycandakı layihələrin maliyyələşməsi həcminə gəlincə isə S.Ağa bildirib ki, təqdim olunan vəsaitlərin həcmi bu gün 1,3 milyard dolları ötür.
O əlavə edib:
"Azərbaycan İİB-in güclü üzv dövlətlərindən biridir".
Qeyd edək ki, Azərbaycan İİB-in qrupuna 1992-ci ildə qoşulub.
www.ann.az
Oxşar xəbərlər
Oxşar xəbərlər
Foto 
Video 
