Ərdoğan: "Bəşər Əsəd terrorçudur"

APA-nın "İhlas” xəbər agentliyinə istinadən verdiyi məlumata görə, bu sözləri Türkiyə prezidenti Rəcəb Tayyib Ərdoğan Tunisə səfəri çərçivəsində həmkarı El-Baci Kaid es-Sibsi ilə birgə keçirdiyi mətbuat konfransında deyib.

R. T. Ərdoğan bildirib ki, B. Əsədlə irəli getmək mümkün deyil: "Bir milyona yaxın vətəndaşını öldürmüş prezidentlə necə gələcək qurmaq olar? Suriya xalqı belə bir şəxsi prezident kimi görmək istəyərmi? Bu, öldürülmüş insanlara qarşı haqsızlıq olar. Suriyada hələ də qan axıdılır. Çox açıq söyləyirəm: Əsəd dövlət terroru həyata keçirmiş bir terrorçudur. Əsəd qaldıqca hüzur olmaz”.