Xudat şəhəri və ətraf kəndlərdə elektrik enerjisinin verilişi müvəqqəti dayandırılacaq

Bu gün Xaçmaz rayonunun Xudat şəhəri və ətraf yaşayış məntəqələrinin bir hissəsində elektrik enerjisinin verilişində fasilə yaranacaq. Bu barədə “Azərişıq” ASC məlumat yayıb.

Xudat Elektrik Şəbəkəsinin ərazisində yerləşən 110/35/10 kV-luq “Xudat” yarımstansiyasının 10 kV-luq bölməsində təmir işləri aparılacaq.

Bununla əlaqədar olaraq saat 11:00–13:00 aralığında Həsənqala, Ağaşirinoba, Çinartala, Dədəli, Bostançı, Baraxum, Palıdlı, Kənd Xudat, Seyidlər, Mahsuskənd, Yasaqoba, Aşağı Ləgər, Balaqusar kənd və qəsəbələrində, eləcə də Xudat şəhərinin bir hissəsində elektrik enerjisinin verilişi məhdudlaşdırılacaq.

“Azərişıq” ASC bildirib ki, təmir işləri başa çatdıqdan sonra ərazilər daha keyfiyyətli elektrik enerjisi ilə təmin olunacaq.