DİN sosial şəbəkələrdə saxta izləmə və dələduzluq paylaşımlarına qarşı xəbərdarlıq edib

Daxili İşlər Nazirliyi (DİN) vətəndaşları sosial şəbəkələrdə baş verən saxta izləmə və şəxsi məlumatları ələ keçirməyə yönəlmiş paylaşımlara aldanmamağa çağırıb.

Nazirliyin Mətbuat Xidmətindən bildirilib ki, internetdə bəzi səhifələr ödəniş qarşılığında şəxslərin hesablarını izləmə, mobil telefonlara giriş və yazışmalarını öyrənmə xidməti təklif edir. DİN vurğulayıb ki, bu cür xidmətlər yalandır və onların məqsədi şəxsi və bank məlumatlarını ələ keçirərək vətəndaşların pul vəsaitini ələ keçirməkdir.

Nazirlik vətəndaşlara təhlükəsizlik qaydalarına riayət etməyi, cəlbedici vədlərə aldanıb ödəniş etməməyi və şübhəli hallarda dərhal polis orqanlarına və DİN-in sosial şəbəkə səhifələrinə müraciət etməyi tövsiyə edib.