Poroşenko həbs olunmaq ehtimalından danışdı

Ukraynanın keçmiş prezidenti Petro Poroşenko ölkənin hazırkı rəhbərliyinin onu həbs edə bilməyəcəyinə əmin olduğunu deyib.
O, bunu "Beşinci kanal”ın "Youtube”da yayımlanan video reportajında bildirib.
P.Poroşenko özünün və siyasi gücünün "heç kimdən və heç nədən qorxmadığını” söyləyib: "Mən illərdir ki, müxalifətdəyəm. Bu oğlanlar Poroşenkonu gizlətmək istəyən ilk adamlar deyil”.

Keçmiş prezident əlavə edib ki, əgər məhkəmə onu günahkar hesab etsə, bu, ilk növbədə dövlətə və onun qanunlarına zərbə olacaq.
Poroşenko cəzadan qorunmaq üçün kifayət qədər əsasları olduğunu və mübarizə aparacağını qeyd edib.
Qeyd edək ki, eks-prezident 13 cinayət işində təqsirləndirilir.
Bunlardan üçündə onun adı şahid qismində keçir.
Keçmiş prezident məhkəmə sistemini istismar etməkdə, dövlətə xəyanətdə, cinayət yolu ilə əldə edilmiş gəlirlərin leqallaşdırılmasında və digər cinayətlərdə şübhəli bilinir

www.anews.az