Dünyada zorakılığa məruz qalan uşaqların sayı açıqlanıb-STATİSTİKA
20.06.2020 09:14
Ötən il 2-17 yaş arası bir milyarda yaxın uşaq bu və ya digər şəkildə təcavüzə, zorakılığa məruz qalıb.
Bu barədə TASS agentliyi BMT Uşaq Fondunun (UNICEF) yayımladığı hesabata istinadən xəbər verib.
Hesabat müəlliflərinin fikrincə, koronavirus epidemiyasının yayılmasına qarşı tətbiq olunan tədbirlər yetkinlik yaşına çatmayanlara qarşı zorakılıq hallarının qarşısının alınmasını xeyli çətinləşdirir. Belə bir vəziyyət uzunmüddətli mənfi nəticələrə səbəb ola bilər.
Pandemiya uşaq sağlamlığı və təhsili kimi sahələrdə indiyədək qazanılmış nailiyyətlərə də xələl gətirib.
Bundan əvvəl Beynəlxalq Əmək Təşkilatı və UNICEF proqnozlaşdırmışdı ki, koronavirus pandemiyası səbəbindən dünyada milyonlarla uşaq işləməyə məcbur olacaq. Eyni zamanda, onsuz da işləyən uşaqlar daha ağır vəziyyətə düşə bilərlər.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
