Azərbaycanda əmək haqları artacaq - ŞAD XƏBƏR

“Bazarlarda da qiymətlər 2-3 faiz artacaq”.

Pensiya artımı hər zaman ölkə başçısının diqqətində olub. Ölkədə ilbəil pensiyalar artır, bu addım cari ildə də davam edəcək.

Oxu.Az xəbər verir ki, bunu SalamNews-a Milli Məclisin Sosial-siyasət komitəsinin sədri Hadı Rəcəbli söyləyib.

O bildirib ki, pensiyalarla yanaşı, orta aylıq əməkhaqqının da yüksəldilməsi planlaşdırılır:

“Ölkədə hər il pensiyalar 10 faiz artır. Bu il də analoji artım davam edəcək. Pensiya artımına uyğun olaraq bazarlarda da qiymətlər 2-3 faiz artacaq. Ən azından pensiya və maaşlar yaşayış minimumuna bərabər olmalıdır”.

Komitə sədri deyib ki, pensiyaların kart sistemi ilə verilməsi bir çox əngəllərə, məmur özbaşınalığı kimi problemlərə də son qoyub.

ANN.Az