Rusiya aclıqdan silah kimi istifadə edir - Zelenski

 

"Rusiya artıq ixrac üçün kənd təsərrüfatı məhsulları yüklənmiş gəmilərlə birlikdə bütün dəniz limanlarımızı da bağlayıb.

 

Niyə belə edirlər? Çünki onlar da aclığı öz silahı kimi görürlər, -  Zelenski bildirib.

 

O, Ukraynanın dünya ərzaq bazarında aparıcı dövlətlərdən biri olduğunu vurğulayıb.

- Bizim ixracımızın dayanması sadəcə məhsul qıtlığı yaratmayacaq. Bu, Afrika və Asiyanın ondan çox ölkəsi üçün aclıq təhlükəsidir. Çünki kifayət qədər məhsul həcmi olmayacaq və qiymətlər əhəmiyyətli dərəcədə artacaq. Bu, faktdır, - ölkə rəhbəri qeyd edib.

Dövlət başçısı  onu da əlavə edib ki, "Afrikanın şimalında və Asiyanın bəzi bölgələrində yaşayan milyonlarla yoxsul insanlar üçün ailələrini dolandırmaq daha da çətinləşəcək”.

- İndi Ukraynada əkin kampaniyasının vaxtıdır. Bizim əkin kampaniyamızı pozmaq, infrastrukturumuzu dağıtmaq qəsdən yaradılmış ərzaq böhranına səbəb olur. Bəs bu böhran nəticəsində nə baş verəcək? Rusiya xalqımıza qarşı müharibənin ilk günlərindən aclıqdan istifadə edir. Ən pis formada isə Mariupolda istifadə edir, - Zelenski bildirib.

 

"Bizim ixracımız olmasa, bu, Afrika və Asiyanın ondan çox ölkəsi üçün aclıq təhlükəsidir. Çünki məhsullarda fiziki qıtlıq yaranacaq və qiymətlər xeyli yüksələcək.,- bildirib.