YouTube Zaxarovanın videosunu blokladı
07.04.2022 14:17
YouTube videohostinqi Rusiya Xarici İşlər Nazirliyinin rəsmi nümayəndəsi Mariya Zaxarovanın brifinq videosunu bloklayıb, bu barədə Google şirkətinin mətbuat xidmətindən bildirilib.
"Bizim cəmiyyətin qaydaları yaxşı sənədləşdirilmiş zorakılıq epizodlarını inkar edən, əhəmiyyətsiz göstərən və ya onları aşağılayan məzmunu qadağan edir və biz bu siyasəti pozan Ukrayna ilə əlaqəli kontenti silirik", deyə "Google” şirkətindən bildirilib.
Mariya Zaxarova dünən bildirib ki, "YouTube” Rusiya Xarici İşlər Nazirliyinin martın 17-də keçirilən brifinqinin video yazısına girişi əngəlləməklə qaydaları kobudcasına pozub. O, bloklanmanın brifinqdə müzakirə edilən Ukraynadakı bioloji laboratoriyalar haqqında məlumatla bağlı ola biləcəyini ehtimal edib. Zaxarova vurğulayıb ki, bu məlumat Qərb auditoriyasından gizlədilib.
Roskomnadzor Google-dan tələb edib ki, video hostinq administrasiyası tərəfindən Zaxarovanın brifinqinin video yazısına qoyulan məhdudiyyətləri aradan qaldırsın və blokun tətbiq edilməsinin səbəbini izah etsin.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
