Bakı-2015: hazırlıq işləri vaxtında yekunlaşacaq

İstər yay, istər qış Olimpiya oyunları olsun, istərsə də bir sıra növlər, xüsusilə, futbol üzrə dünya və Avropa çempionatları öncəsi hazırlıq işlərinin gedişi ilə bağlı həyəcanlı xəbərlər yayılır. Bəzən hətta yarış yerinin dəyişdirilməsi fikri gündəmi zəbt edir. Lakin Bakının təşkilatçılığı ilə keçiriləcək ilk Avropa oyunları ilə bağlı hər hansı narahatlığa, təşvişə ehtiyac yoxdur. Nazirin bu açıqlaması deyilənləri bir daha təsdiq edir.

"Baku Post" qəzetinin məlumatına görə, A.Rəhimov fikrini belə yekunlaşdırıb: “İdman obyektlərinin hazırlığı ilə bağlı görülən işləri gündəlik nəzarətdə saxlayırıq. Hazırlıq işlərinin, qrafikə əsasən, 2015-ci il fevralın 1-dək yekunlaşdırılması nəzərdə tutulur. Həmin vaxtadək, başqa sözlə, Avropa oyunlarının startına 4 ay qalmış bütün idman qurğuları hazır olmalıdır. İşlərin gedişinə əsaslanıb deyə bilərik ki, ləngimə olmayacaq və obyektlər vaxtında təhvil veriləcək”.