"Dr. Oetker” şirkəti Rusiyadakı fəaliyyətini dayandıracaq

Alman qida şirkəti "Dr. Oetker” Ukraynadakı vəziyyətlə bağlı Rusiyada fəaliyyətini dayandıracaq. Bu barədə şirkətin açıqlamasında bildirilib.

 

Qida istehsalçısı "Dr. Oetker” Rusiyanı tamamilə tərk edir. Şirkət Rusiyaya bütün ixracı, Rusiyadakı törəmə müəssisəsinə bütün investisiyaları və Rusiya bazarında bütün marketinq fəaliyyətlərini dayandırıb” – deyə şirkət Rusiya Ukraynada xüsusi əməliyyata başladıqdan sonra belə bir qərara gəldiklərini bəyan edib.

 

Hazırda "Dr. Oetker” Belqorodda yalnız əsas qida məhsulları - maya və qabartma tozu istehsal edəcək. Mülkiyyət hüququ isə Rusiya idarəedici direktorlarına veriləcək.