ÜST-dən Ukraynaya 218 ton yardım aparılıb
20.04.2022 21:33
Fevralın 24-dən bugünə kimi Ukraynaya 218 ton təcili tibbi ləvazimat çatdırıb, bu barədə Ümumdünya Səhiyyə Təşkilatı (ÜST) məlumat yayıb.
ÜST bu həftə 15 generatoru Ukraynaya çatdırmağı planlayır.
ÜST-ün sözçüsü Banu Batnaqar deyib ki, 3 generator Luhanks və Donetskə göndəriləcək. Sözügedən ərazilərdə enerji təchizatına ciddi ziyan dəyib.
Digər generatorlar Rusiyanın ağır atəşlərinə məruz qalan Xarkov və mühasirəyə alınan Mariupol üçün nəzərdə tutulub
ÜST indiyədək səhiyyə müəssisələri, təcili yardım maşınları və tibb işçilərinə 147 hücum qeydə alıb. Hücumlar nəticəsində 73 nəfər ölüb, 52 nəfər yaralanıb. Onun sözlərinə görə, bu cür hücumlar insanlara yardım etməyə əngəl yaradır.
ÜSt 1946-cı ildə Nyu-Yorkda keçirilən beynəlxalq səhiyyə konfransında yaradılmışdır. 7 aprel 1948-ci ildə təşkilatın nizamnaməsi qüvvəyə minib.Təşkilatın mənzil-qərargahı Cenevrədə yerləşir.Üzv dövlətlərin sayı 190-dır. ÜST-nın əsas məqsədi bütün dünyanı yüksək sağlamlıq həddinə çatdırmaqdır.
Ləman Qasımova
www.anews.az
Oxşar xəbərlər
Oxşar xəbərlər
Foto 
Video 
