Rusiyada qaz qadağası sülhü tezləşdirməyəcək

22.04.2022 12:43

Rusiyanın kəskin qaz qadağası Ukrayna ilə tez bir zamanda sülhü bərpa etməyəcək, bunu Almaniya kansleri Olaf Scholz deyib.

"Birincisi, qaz embarqosunun müharibəni dayandıracağını heç cür görmürəm.İkincisi, siz elə danışırsınız ki, guya biz bundan pul qazanırıq. Amma məsələ ondadır ki, biz ciddi iqtisadi böhrandan qaçmaq istəyirik”, - deyə o, "Spiegel”ə müsahibəsində bildirib.

Scholz-un fikrincə, Rusiyadan qaz idxalına qadağa qoyulması bir milyon iş yerinin itirilməsinə və fabriklərin bağlanmasına səbəb olacaq.

"Bu, ölkəmiz, bütün Avropa üçün ciddi nəticələrə səbəb olacaq”, o vurğulayıb.

Bundan əvvəl Almaniyanın vitse-kansleri, iqtisadi məsələlər və iqlimin mühafizəsi naziri Robert Habek bildirmişdi ki, Rusiya qazının tədarükünə dərhal embarqo qoyulması Almaniyada "sosial sülh”ə təhlükə yaradacaq.

O, həmçinin bildirib ki, Almaniya şist qazı istehsal etməyəcək, bu, ölkənin ekologiyasına ziyan vuracaq.

Putin qazı Avropaya rublla satmaq barədə qərar verib. Qərara görə Rusiyadan qaz alan ölkələr Rusiyada hesab açmaqla pulu rubbla ödəməli olacaq.

Rusiya Ukrayna ərazisində hərbi əməliyyatlar aparır və buna görə Qarb ölkələri və müttfəiqləri tərəfindən sanksiyalar və məhdudiyyətlərlə üzləşib.
Sanksiyalar və məhdudiyyətlər Rusiya iqtisadiyyatını çökdürmək və hökumətini hərbi əməliyyatlara görə cəzalandırmaq üçün nəzərdə tutulub.
Rusiyaya tətbiq olunan sanksiyalar sırasında siyasi, maliyyə, hərbi, idman, aviasiya, nəqliyyat kimi ən müxtəlif sahələri əhatə edən məhdudiyyətlər var.

Fevralın 24-də Rusiya prezidenti Vladimir Putin Rusiya və Ukrayna vətəndaşlarına müraciət edib. O, LXR və DXR rəhbərlərinin kömək xahişinə cavab olaraq Donbası qorumaq üçün hərbi xüsusi əməliyyat keçirmək qərarına gəldiyini söyləyib.

Gülnar Nazimqızı

www.anews.az

Xəbəri bəyəndiniz?

Sosial şəbəkələrdə paylaş