Çin Azərbaycana son 7 ildə 1 milyard dollara yaxın investisiya yatırıb

Onun sözlərinə görə, yatırılan investisyaların 754,1 milyon dolları neft-qaz sektoruna, 176,7 milyon dolları isə qeyri-neft-qaz sektorunun payına düşüb.

"Hazırda ölkəmizdə 245 Çin şirkəti sənaye, kənd təsərrüfatı, nəqliyyat, tikinti, ticarət və xidmət sahələrində fəal işləyir Bu ilin yanvar-may ayları ötən ilin müvafiq dövrü ilə müqayisədə 26 faiz artaraq 1,3 milyard ABŞ dolları təşkil edib”, - Abdullayev əlavə edib.

Onun sözlərinə görə, bu ilin yanvar-mayında Azərbaycan və Çin arasında tranzit yükdaşımaların həcmi ötən ilin müvafiq dövrü ilə müqayisədə 31,6% artaraq 178 min ton təşkil edib.

O, həmçinin iyulun 3-də ölkələr arasında iqtisadiyyat, ticarət, mədəniyyət və turizm sahələrində əməkdaşlıq prinsiplərini əks etdirən "Azərbaycan və Çin arasında strateji tərəfdaşlığın yaradılması haqqında Birgə Bəyannamə”nin imzalandığını xatırladıb.

Bu ilin yanvar-iyununda Çindən Azərbaycana 16 609 turist gəlib ki, bu da ötən ilin müvafiq dövrü ilə müqayisədə 35% çoxdur. Bunu Dövlət Turizm Agentliyinin Turizm siyasəti və strategiyası şöbəsinin müdiri Məhəmməd Muradov bildirib.

Onun fikrincə,  Azərbaycan Uzaq Şərqlə turizm sahəsində əməkdaşlığı yüksək qiymətləndirir.

 

"Çin vətəndaşları üçün birtərəfli vizasız rejimin tətbiqi bu əməkdaşlığın inkişafına töhfə verir və hava xidmətlərini yaxşılaşdırır",  -  Muradov vurğulayıb. 

Ötən il Çinin Tsindao şəhəri ilə Bakı arasında ticarət dövriyyəsi iki dəfədən çox artaraq 233 milyon yuana (32,05 milyon ABŞ dolları) çatıb. Bu  barədə məlumat verən  Çindao Bələdiyyəsinin Ticarət Bürosunun Qərbi Asiya və Afrika ölkələri üzrə departamentinin direktoru Menq Veyvey bildirib ki, Cindao dəniz ehtiyatları ilə zəngin şəhərdir.

"Şəhərdə Çinin ən böyük laboratoriyası var. Ümumilikdə, şəhərdə 12 laboratoriya var ki, onlar müxtəlif sahələri, o cümlədən "yaşıl” enerji sahəsini inkişaf etdirməyə kömək edir",  -  Veyvey deyib.