Tramp süni intellektlə bağlı açıqlama verəcək

ABŞ Prezidenti Donald Tramp sentyabrın 28-də Ağ Evdə süni intellektlə bağlı açıqlama verəcəyini açıqlayıb. 

Açıqlama Bakı vaxtı ilə saat 22:00-a planlaşdırılıb. Tədbirin konkret məzmunu əvvəlcədən açıqlanmayıb.

Tramp bundan əvvəl Anthropic şirkətinin baş icraçı direktoru Dario Amodei ilə Ağ Evdə şam yeməyi keçirib.

ABŞ Prezidenti jurnalistlərə Amodeini “çox hörmətli” şəxs adlandırıb və süni intellekt şirkətlərinin rəhbərləri ilə çərşənbə axşamı keçiriləcək görüşün mühüm olacağını deyib.

Tramp və Nümayəndələr Palatasının spikeri Mayk Consonun həmin görüşdə aparıcı süni intellekt şirkətlərinin rəhbərləri ilə bir araya gələcəyi gözlənilir.

Amodei süni intellekt texnologiyalarının nəzarətsiz inkişafının bəşəriyyət üçün təhlükə yarada biləcəyi barədə xəbərdarlıq edir və təhlükəsizlik məqsədilə inkişaf tempinin zərurət yarandıqda azaldılmasını müdafiə edir.

Tramp isə süni intellektin inkişaf tempinin aşağı salınmasının ABŞ-ni Çinlə rəqabətdə zəiflədə biləcəyini bildirərək bu yanaşmaya qarşı çıxır.

Gülnar Nazimqızı