Çində çökən binanın altından 53 cəsəd çıxarılıb

 

Bu barədə Çin Mərkəzi Televiziyası məlumat yayıb.

 

Daha əvvəl hadisə nəticəsində 26 nəfərin öldüyü məlum idi.

 

 6 mərtəbəli bina aprelin 29-da uçub. Binada mağazalar, iaşə obyektləri, həmçinin kiçik mehmanxana var idi. Aprelin 30-da rəsmilər 23 nəfərin dağıntılar altında qaldığını, 40-a yaxın adamın isə itkin düşdüyünü bildirib.

 

Artıq hadisə yerində axtarış-xilasetmə əməliyyatı başa çatıb, dağıntılar altında qalanların hamısı və itkin düşənlər tapılıb.

 

Uçmuş ev yerli hakimiyyət orqanları tərəfindən icazəsiz tikili kimi tanınıb və hadisəyə səbəblərdən biri də məhz qanunsuz yenidənqurma ola bilər. Hüquq-mühafizə orqanları artıq doqquz nəfəri saxlayıb, onlardan dördü, o cümlədən binanın sahibi cinayət səhlənkarlığı, beşi isə saxta sənəd təqdim etmək ittihamı ilə saxlanılıb.