"Əl-Cəzirə"nin jurnalisti qətlə yetirilib
11.05.2022 11:44
"Əl-Cəzirə” telekanalının jurnalisti Şirin Əbu Akleh çərşənbə günü İordan çayının qərb sahilində, Cenin qaçqın düşərgəsində iş başında olan zaman öldürülüb. Bu barədə CNN xəbər verir.
www.anews.az
Fələstin Səhiyyə Nazirliyi onun başından güllə ilə vurulduğunu və qısa müddət sonra öldüyünü təsdiqləyib. Nazirlik bildirib ki, digər jurnalist Əli Əl Samudi də güllələnib və onun vəziyyəti stabildir.
"Əl-Cəzirə” İsrail təhlükəsizlik qüvvələrini Əbu Aklehi qəsdən hədəfə almaqda və öldürməkdə ittiham edib və beynəlxalq ictimaiyyəti İsraili qınamağa və məsuliyyətə cəlb etməyə çağırıb.
İsrail Müdafiə Qüvvələrindən verilən açıqlamada bildirilib ki, təhlükəsizlik qüvvələri "terror fəaliyyətlərində şübhəli bilinənləri tutmaq üçün” bölgədə əməliyyat keçirib və həmin vaxt həm fələstinlilər, həm də İsrail qüvvələri atəş açıb.
Əbu Akleh öldürüldüyü zaman onun yanında olan "Əl-Cəzirə” jurnalisti Əl-Samudi bildirib ki, həmin vaxt ərazidə heç bir fələstinli silahlı olmayıb.
"İsrail ordusu bizi vurdu. Orada heç bir fələstinli silahlı olmayıb”- jurnalist bildirib.
Əl-Cəzirəyə qoşulmazdan əvvəl o, UNRWA, Fələstinin Səsi Radiosu, Amman Peyk Kanalı, Miftah Fondu və Monte Karlo Radiosu ilə çalışıb.
Aytac
www.anews.az
Foto 
Video 
