Əraqçi Putinlə görüşəcək

İranın xarici işlər naziri Abbas Əraqçi İslamabadda keçirdiyi məsləhətləşmələrdən sonra Moskvaya yola düşüb. Bu barədə IRNA agentliyi məlumat yayıb.

İranın Rusiyadakı səfiri Kazem Cəlali bildirib ki, səfər çərçivəsində Əraqçinin Rusiya Prezidenti Vladimir Putinlə görüşü planlaşdırılır.

Səfirin sözlərinə görə, İranın xarici işlər naziri Moskva danışıqları zamanı Rusiya rəsmiləri ilə regiondakı son vəziyyəti və atəşkəs məsələsini müzakirə edəcək.

Rusiya Xarici İşlər Nazirliyi də İran xarici işlər nazirinin danışıqlar aparmaq üçün Rusiyaya səfər edəcəyini təsdiqləyib.