Baxmut şəhərində rus hücumu nəticəsində 5 nəfər ölüb

Rus ordusunun Popasnaya istiqamətindən irəlilədiyi Baxmut şəhərində yaşayış binasına mərminin düşməsi nəticəsində biri uşaq olmaqla 5 mülki şəxs həlak olub.

Ukraynanın Donetsk vilayətinin prokurorluğu bildirib ki, xilasedicilər dağıntılar altından 35 yaşlı qadın və iki yaşlı uşağın cəsədlərini aşkar ediblər.

Hündürmərtəbəli binaya mərmi düşüb və bundan az sonra xilasedicilər dağıntılar altından üç nəfərin cəsədini tapıblar: 43 və 44 yaşlı iki kişi və 75 yaşlı qadın.

Üçü uşaq olmaqla 4 nəfər yaralanıb.

Fevralın 24-dən Rusiya Ukraynada hərbi əməliyyat keçirməyə qərar verib. Bu gün müharibənin başlamasından 84 gün keçir. Müharibə nəticəsində Ukraynada 8 milyon çox insan Ukraynanı tərk edib. 200-dən çox uşaq ölüb, 400-dən çox azyaşlı isə yaralanıb. Amerika və bir çox Avropa ölkələri Rusiyaya qarşı sanksiyalar tətbiq edib. Rusiya və Ukrayna atəşkəslə bağlı 3 dəfə masada görüşsələr də heç bir razılığa gəlməyiblər.(BBC)

Gülnar
 


www.anews.az