Zelenski Rusiya - Ukrayna danışıqlarının Azərbaycanda keçirilməsini təklif edib

Ukrayna Prezidenti Volodimir Zelenski Rusiya ilə danışıqların növbəti mərhələsinin Azərbaycanda keçirilməsinə hazır olduqlarını bildirib.

Bu açıqlamanı o, Qəbələdə Prezident İlham Əliyevlə görüşdən sonra mətbuata bəyanatında deyib.

“Biz Azərbaycan Prezidentinə üçtərəfli danışıqlara hazır olduğumuzu bildirdik. Bu cür görüşlər artıq Türkiyədə, daha sonra isə İsveçrədə amerikalı tərəfdaşların iştirakı ilə keçirilib. Əgər Rusiya diplomatiyaya hazırdırsa, biz də yaxın gələcəkdə bu cür danışıqları Azərbaycanda keçirə bilərik”, - Zelenski qeyd edib.