"Azexport" 3 milyard 40 milyon dollarlıq sifariş qəbul edib
01.07.2022 13:22
"Azexport" portalı fəaliyyətə başladığı 2017-ci ilin yanvarından 2022-ci ilin mayın sonuna qədər (65 ay ərzində) 145 ölkədən 3 milyard 40 milyon ABŞ dolları dəyərində sifariş qəbul edib. Bu barədə İqtisadi İslahatların Təhlili və Kommunikasiya Mərkəzinin "İxrac icmalı"nın iyun sayına bildirilir.
Bunun 215 milyon ABŞ dolları 2022-ci ilin yanvar-may aylarının, 52,3 milyon ABŞ dolları isə may ayının payına düşüb. Bu da müvafiq olaraq illik 20,7 mln dollar və ya 10,65%, aylıq müqayisədə isə 22,2 mln dollar yaxud 73,75% çoxdur.
Mayda ixrac sifarişlərinin tərkibində alma şirəsi, nar konsentratı, pomidor, tibbi tənzif, pambıq çiyidi, günəbaxan yağı, qarğıdalı yağı, buğda kəpəyi, toyuq əti, biyan kökü, kərpic (tikinti materialı) və s. məhsullar üstünlük təşkil edib.
Ləman Qasımova
www.anews.az
Son xəbərlər 
Daha çox
Foto 
Video 
