Bloomberg: Neftin qiyməti 2023-cü ilin sonuna qədər 45 dollara düşə bilər

2023-cü ilin sonuna qədər neftin qiyməti tələbatın azalması səbəbindən bir barel üçün 45 dollara düşə bilər. Bu barədə Amerikanın Citigroup bankının analitiklərinə istinadən Bloomberg məlumat yayıb.

Analitiklər 2022-ci ilin sonuna kimi Brent markalı neftin qiymətinin bir barel üçün 65 dollara düşəcəyini hesablayıblar. Bu, iqtisadiyyatda mümkün tənəzzül səbəbindən tələbin azalması ilə bağlı ola bilər. Bu proses 2023-cü ildə də davam edə bilər, ilin sonuna kimi neftin qiyməti 45 dollar barelə düşəcək.

Agentlik qeyd edib ki, neft qiymətləri hər hansı mümkün tənəzzül və ya qeyri-sabitlik göstəriciləri ilə aşağı düşür. Eyni zamanda, OPEC+ ölkələri neft bazarındakı proseslərə müdaxilə etməsə, qiymətlərlə bağlı vəziyyət daha da pisləşəcək.

İyulun 3-də BCS Mir Investments-in fond bazarı üzrə eksperti İqor Qalaktionov bildirib ki, neftin qiyməti bir barel üçün 108-120 dollar arasında ədalətli diapazon tapıb. Onun sözlərinə görə, hazırda qiymətlərin xeyli aşağı düşməsi üçün heç bir səbəb yoxdur. Bundan əlavə, mövcud vəziyyət bahalı neftdən qazanc əldə edən yerli neft şirkətlərinə də müsbət təsir edir.

www.anews.az