Gömrük xətti ilə büdcə daxilolmaları artıb
14.07.2022 14:18
2022-ci il yanvar-iyununda Dövlət Gömrük Komitəsinin (DGK) xətti ilə dövlət büdcəsinə ötən ilin müvafiq dövrü ilə müqayisədə 24,6% artaraq 2 539 750,6 min manat vəsait daxil olub. Bu barədə komitədən bildirilib.
Komitənin açıqlamasına görə, hesabat dövründə dövlət büdcəsinə daxil olan gömrük rüsumlarının həcmi ötən ilin uyğun dövrü ilə müqayisədə 14,5% artaraq 638 310,7 min manat təşkil edib.
ƏDV üzrə daxilolmalar isə 30,4% artaraq 1 802 834,4 min manata bərabər olub. Aksizlər üzrə cari ilin ilk altı ayında daxilolmalar 10,2% azalaraq 69 916,4 min manat təşkil edib.
Bu ilin iyununda Komitəsinin xətti ilə dövlət büdcəsinə 475 956,9 min manat həcmində vergi və rüsumlar daxil olub ki, bu da 2021-ci ilin eyni ayı ilə müqayisədə 26,5%, bu ilin mayı ilə müqayisədə isə 12,7% çoxdur.
Cari ilin iyununda dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 19% artaraq 123 918,8 min manat olub. Bu ilin may ayı ilə müqayisədə isə bu göstərici həmçinin 19% artıb.
Ləman Qasımova
www.anews.az
Son xəbərlər 
Daha çox
Foto 
Video 
