Putin və Paşinyan Dağlıq Qarabağ problemini müzakirə edəcək
05.09.2022 17:58
Rusiya Federasiyası Prezidentinin köməkçisi Yuri Uşakov bildirib ki, tərəflər Rusiya-Ermənistan münasibətlərinin əsas aspektlərini də müzakirə edəcəklər. Rusiya prezidenti Vladimir Putin Şərq İqtisadi Forumu (EEF) çərçivəsində Ermənistanın baş naziri Nikol Paşinyanla Dağlıq Qarabağ probleminin nizamlanması məsələsini müzakirə edəcək, bu barədə jurnalistlərə Rusiya dövlət başçısının köməkçisi Yuri Uşakov bildirib.
"Dağlıq Qarabağ probleminin nizamlanmasının müzakirə ediləcəyi gözlənilir. Rusiya liderlər arasında üçtərəfli sazişlər əsasında Ermənistan və Azərbaycan arasında münasibətlərin normallaşmasına kömək etməkdə davam edir. Rusiya sülhməramlı kontingenti regionda təhlükəsizliyi təmin edir", - Uşakov deyib.
O əlavə edib ki, tərəflər Rusiya-Ermənistan münasibətlərinin əsas aspektlərini, o cümlədən ticari-iqtisadi əməkdaşlığın inkişaf etdirilməsi perspektivlərini də müzakirə edəcəklər.
"Energetika sektorunda qarşılıqlı fəaliyyət inkişaf edir. Rusiyadan qaz ixracı ildə 2,4 milyard kubmetrdən çox (bu ilin yanvar-iyun aylarında 1,41 milyard kubmetr) təşkil edir", - Kremlin sözçüsü bildirib.
N.Təbrizli
www.anews.az
Son xəbərlər 
Daha çox
Foto 
Video 
