Azərbaycan və Ermənistan arasında atəşkəs davam edir
15.09.2022 09:18
Azərbaycan və Ermənistan arasında atəşkəs elan olunub. Bunu Ermənistan Təhlükəsizlik Şurasının katibi Armen Qriqoryan Ermənistan İctimai Televiziyasına verdiyi müsahibəsində bildirib. Bu barədə Reuters məlumat yayıb.
"Tərəflər sentyabrın 14-də saat 20:00-dan etibarən sərhəddə atəşkəs barədə razılığa gəlib. Bu razılaşma beynəlxalq ictimaiyyətin iştirakı sayəsində əldə olunub", - Qriqoyan bildirib.
Sentyabrın 12-dən Azərbaycan-Ermənistan sərhədində gərginlik yaşanır. Azərbaycan Müdafiə Nazirliyinin məlumatına görə, Ermənistan silahlı qüvvələrinin diversiya qrupları Azərbaycan mövqelərinə hücum edib , daha sonra onları artilleriya atəşinə tutublar.
Nəticədə Azərbaycan 50, Ermənistan isə 105 hərbiçisini itirib. Bu 2020-ci ilin sentyabrında baş verən və Azərbaycanın qələbəsi ilə sonuclanan İkinci Qarabağ savaşından sonra tərəflər arasında olan ilk gərgin qarşıdurma olub.
N.Təbrizli
www.anews.az
Son xəbərlər 
Daha çox
Foto 
Video 
